كلمات اغنية ماكانوش خير لـ محمد رأفت

كلمات اغنية ماكانوش خير لـ محمد رأفت

هما بيتغيروا على كيفهم
وقت مابيفكروا في غياب
فـ اللي يقول انا ماشي اضحكله
قوم وكمان افتحله الباب

دول ماكانوش ليك خير على فكرة
وانت من الأول غلطان
كنت فاتحها زمان ع البحري
وتقول ع النمروض غلبان

ايه يابو قلب ابيض ما تحاسب
اديتهم قلبك وباعوه
عمال تدي كمان واهو ناقص
تديلهم عمرك يعيشوه

فرصة وماكانوش يتمنوها
ولا في خيالهم كان مرسوم
انك تبقى معاهم صدفة
ولا كانوا خدوا من عمرك يوم

الدنيا مانصفتش الطيب
عاش تعبان مارتحلوش بال
وانا ماتغيرتش بمزاجي
اللي انا شوفته يهد جبال

مش هتشوفوا تاني خير على إيدي
خلصت بقى مافيهاش تمثيل
الدنيا مسودة جواكوا
فامنفعش معاكوا أصيل

اللي اتعود يجمد تاني
وهو لوحده ده مهما شاف
قادر ينسى يعيش من غيركوا
ولا هيتعب ولا هيخاف

كلمات اغنية ماكانوش خير لـ محمد رأفت