كلمات شيلة ضاعت دروبي لـ مشاري بن نافل

كلمات شيلة ضاعت دروبي لـ مشاري بن نافل

يوم حان وداع محبوبي
هلت عيوني مدامعها
كن جسمي برمح مصيوبي
مال ظهري يوم أوادعها

روّحت تمشي على الدوبي
كالجنازه لين شيّعها
ذاب قلبي وصار مرعوبي
روحي تشهق من مواجعها

جن عقلي وضاعت دروبي
ما ذكرت الا شوارعها
كان لي زادي ومشروبي
ودوم فكري لي يربعها

نادرة عن كل غرشوبي
وفايقه حز تجمعها
غرنقي يا الغر رعبوبي
شبه ريمٍ في مراتعها

كن خده شمس اللغروبي
ولا جمرٍ زاد والعها
لا حشا مابه من عيوبي
الحلا والغنج جامعها

من هواه القلب منهوبي
وله سنين العمر بايعها
الوجد والشوق عيوبي
حتى نبضاتي ملوعها

حالفٍ عن حبه ما اتوبي
لين ياتي الروح نازعها
يا هلي من قبل ترثوبي
الوصاه اللي بذعذعها

أبغي كفني ثوب محبوبي
وابغي غسلي من مدامعها
احملوا نعشي وشلوبي
وادفنوني في مرابعها

يوم حان وداع محبوبي
هلت عيوني مدامعها
كن جسمي برمح مصيوبي
مال ظهري يوم أوادعها

كلمات شيلة ضاعت دروبي لـ مشاري بن نافل