كلمات اغنية نبح الصوت (مالك ومالي يا دنيا) لـ رحمة محسن

كلمات اغنية نبح الصوت لـ رحمة محسن

شبعت دروس
لكن بردو ما بتعلمش
مشيت مشاوير عشان اوصل
وما بوصلش
مشيت ورا خيط
لقيت إنجازي كله خيوط
نديت للفرح ما نابني
إلا نبح الصوت

ومهما بجري ورا السنين
بردو بتسرقني
ده أنا إتوجعت كتير
مابقاش في حاجه توجعني
وكل ما امشي خطوه
ألاقي الريح ترجعني
الزمان كاسرني ليه
حالف يوقعني

مالك ومالي يا دنيا
اهدي عليا شويه
وخداني ليه على الحامي
ومغميالي عنيا
مالك ومالي يا زمن
ما كفايه جرح وألم
ولا واكل أنا ولا شارب
وبرضه دافع التمن

يا حظ ليه ماجيتش ليه
هو أنا مشبهش ولا ايه
أنا ليا دور تعال زور
في حد ناسي تعدي عليه
الفرح فين طريقه فين
حد يقولي أروحله منين
أنا اتأذيت روحت وجيت
وبرضه مافرحتش ساعتين

مالك ومالي يا دنيا
اهدي عليا شويه
وخداني ليه على الحامي
ومغميالي عنيا
مالك ومالي يا زمن
ما كفايه جرح وألم
ولا واكل أنا ولا شارب
وبرضه دافع التمن

كلمات اغنية نبح الصوت لـ رحمة محسن