كلمات شيلة ايران هي راس البلا لـ معاذ الحربي
يا كنترول يا كنترول
سجل لنا أقوى دخول
حسب الدلايل والفعول
فعل السعودي ما يزال
حنا ليا ثارت نشوش
ونقلب على البيدا وحوش
وابن الوطن دونه جيوش
بالثياب وبالبدال
نقدح طناخه من سطر
وما همنا درب الخطر
ونشرب من الدم الحمر
كنه فناجيل الدلال
ومعاهدين ال سعود
ولا نفرط في العهود
حنا عمى عين الحسود
من دون شك ولا جدال
حنا فدا يابو فهد
وابشر بعزك والسعد
على العهد على العهد
ما نميل لو مال العقال
بأرواحنا نفدا البلد
بأكبر ولد وأصغر ولد
ولا نحسب حساب احد
نقف على خط القتال
واللي يريد الزعزعه
والله ماحنا معه
بالسيف الأملح نردعه
لو كان ابن عمٍ وخال
الجيش عنوان الصمود
هيباتهم هيبات اسود
وحنا جميعا له جنود
من الجنوب الى الشمال
ايران هي راس البلا
شرٍ على كل الملا
من قم حتى كربلاء
هي شر لابده يزال
لكن جيناها سوى
ما للمرض غير الدواء
وندوس ملعون الثوى
في السلم ولا الاحتلال
النار تقدح بالزناد
وتحول الأعداء رماد
صباح ولا في الهجاد
ما للهبال الا الهبال
نمشي على كل الدروب
شمال ولا في الجنوب
حنا مطانيخ الحروب
رجال لا قالو رجال
واللي عبث في ديننا
والله ما يدخل بيننا
ينهان قبل يهيننا
ويداس من تحت النعال
أبشر بعزك يا المليك
اسلامنا ما به شريك
وحنا صقورك ما عليك
صقور من فوق الجبال
واسم العروبه نحتميه
لو تطمع الانذال فيه
في وجيهنا قبل الوجيه
نفداه في حالٍ ومال
والحربي بندر قالها
المملكة برجالها
باقوالها وافعالها
ما تختلف في كل حال
كذا كذا كذا كذا
كذا المراجل أو بلاش
عاش السعودي عاش عاش
ما عاد في الدعوى نقاش
ياللي تعادينا تعال