كلمات شيلة بنت الحلا لـ ماجد خضير

كلمات شيلة بنت الحلا لـ ماجد خضير

يا بنت الحلا والملح وام القبال الزين
عيوني على طلة محياك شفقانه
تعالي وباستقبالك القلب قبل العين
مراسيم تشريفك بصدري لها خانه

تخطّي على هونك مابين الضلوع وبين
عروقٍ تشيل الحب وترز نيشانه
غذاء روحي وشوفك مغذي وفيتامين
عسى الله يجازي وجهك الحلو باحسانه

ونظرات عينك كنّها تنتج اوكسجين
كثر خيرها لو هي خجوله ونعسانه
ياذات القوام اللي تشبّع ليونه لين
تثنّا وعودك يسلب العقل باغصانه

عظامك من الاسفنج مدري من الفلين
ما تشبهك ياريّانة العود ريّانه
ابالغ معك والناس مخلوقه من الطين
على كل حال ألطف بشر وأجمل انسانه
اعرف الجمال الزايف اللي صنع بالصين
واعرف الجمال اللي من الله سبحانه

اجيب القصيد اللي على مستواك منين
وشعر الغزل شابت قوافيه وألحانه
اقول الله يصونك وقلبي يقول آمين
توحّي كلام اللي بقلبه على لسانه

كلمات شيلة بنت الحلا لـ ماجد خضير