كلمات اغنية عادني والله أحبك لـ بندر بن عوير
كل حاجه مع مرور الوقت تذبل واتّلاشى
خصّ لا صارت رياح الصدّ تعصفْك وتهبّك
كود كلمه ثابته مهما تَهرّب واتحاشى
عاد احبّك هيّ هيّ وعادني والله احبّك
يا حبيبي والمحبّه ما تخبّى واتغاشى
ما يزحزحها القسا والتيه وسط اعماق جبّك
ما يثنّيها عذول اغتاظ من حقده وواشى
وما يحرّكها في ذا الدنيا سوى ربي وربك
وحده اللي حرّم الخافق على غيرك وحاشا
أنبع بجوفه غلاك وبالحشا صبّه وصبّك
وحده اللي حرّم الخافق على غيرك وحاشا
أنبع بجوفه غلاك وبالحشا صبّه وصبّك
الفواد اللي رفع راية غرامك ما تخاشى
خاض صلفاته وما استصعب محاذيره وحبّك
جعل يفداك بشرايينه رهاينْك العطاشى
وجعل سقمي فالهوى ما يستطب الا بطبّك
عارف انْ عشقك عذابي مير اكابد واتماشى
ليتك تروف بعذابي ليتك وليتك واربّك
رَغْمَ جفوٍ بيننا يلتاعُ وَجْدًا وارتعاشا
لا يُبالي عاشقٌ مَوتَ الفِدى جرّاءَ غِبّك
وحده اللي حرّم الخافق على غيرك وحاشا
أنبع بجوفه غلاك وبالحشا صبّه وصبّك
وحده اللي حرّم الخافق على غيرك وحاشا
أنبع بجوفه غلاك وبالحشا صبّه وصبّك