كلمات اغنية كاميرا خفيه لـ امينة
مين مع مين
ومين عاقلين
ومين مجانين
دنيا وبنشوف فيها عجايب
بقينا عايشين مع مختلين
مش بني أدمين
مولد ومالوش صاحب غايب
عالم فيه اللي ملوش مبدأ
هو الكسبان مش خسران
والكدب المتشاف متصدق
والناس عندها عمى ألوان
اللي ماشيها شمال متقدر
واللي ماشيها يمين متهان
واللي يبيع ذمته يتكرّم
لما بقينا في موريستان
دنيا دي ولا دي كاميرا خفيه
ومصحة أمراض نفسيه
المجنون فيها اللي بعقله
هو اللي دماغه مهويه
سيرك وكله وحوش مؤذيه
وسرايا صفرا كبيره شويه
لما الباطل ويا العاطل
والغلبان فيها ملوش ديه
زيف ورياق
خداع ونفاق
ومفيش أخلاق
يا خساره ع اللي احنا وصلناله
طمعنا جبال وغوانا المال
والحال اهو مال
ومحدش فينا راضي بحاله
غيبوبه محدش فيها واعي
وعقارب بتسم أفاعي
والطيب في النص مابينهم
بيبيعو فيهم لو قطاعي
زمن القرش وزمن الماده
ومفيش رحمه خلاص وموده
بفلوسك تشتري ١٠٠ ذمه
وضمير الخلق خلاص صدى
دنيا دي ولا دي كاميرا خفيه
ومصحة أمراض نفسيه
المجنون فيها اللي بعقله
هو اللي دماغه مهويه
سيرك وكله وحوش مؤذيه
وسرايا صفرا كبيره شويه
لما الباطل ويا العاطل
والغلبان فيها ملوش ديه