كلمات اغنية سحابة صيف لـ مسلم
أنا وقلبي اللي مش لايقين
على ناس كلها خاينين
بقينا في حيره واستغراب
وبندور على الأحباب
في وسط مصالح الدنيا
ما نلقاش حد
أنا وقلبي حاولنا كتير
نلاقي حد جوّاه خير
ماشوفناش غير وجع وعذاب
بتظلم فينا ليه يا غياب
وليه مستكتر ان احنا نحب بجد
أنا وقلبي نصيبنا نخاف
همومنا تهد أي كتاف
يادوب الحظ لو يتشاف
بيبقى يادوب سحابة صيف
زعلنا عدّا اي حدود
وضاع الوقت والمجهود
ومالناش في الفرح دا وجود
أنا كنت في حياتهم ضيف
أنا وقلبي اللي شيلنا هموم
محدش خاف علينا في يوم
بنتقابل في وقت فُراق
محدش فينا قام أو فاق
ووقت ما نعدل الكفه
لغيرنا تميل
أنا وقلبي حاولنا نعيش
نتيجة كل حاجة مفيش
جرينا كتير في ألف سباق
وقضينا الحياة في خناق
ودلوقتي بنتأسف على التأخير
أنا وقلبي نصيبنا نخاف
همومنا تهد أي كتاف
يادوب الحظ لو يتشاف
بيبقى يادوب سحابة صيف
زعلنا عدّا اي حدود
وضاع الوقت والمجهود
ومالناش في الفرح دا وجود
أنا كنت في حياتهم ضيف