كلمات اغنية ردينا ردينا لـ بشار الشطي وحمود الخضر
هذا الشهر سعادة في سعادة
عساكم من عواده
كل عام فيه نفرح
بس هالسنة بزيادة
معروف عنا كل سنه نتحراه
الكويت كلها وياه
شوفوا اشحلاها تصير
الله شحلوها الله
ردّينا ردّينا
بنعلق الزينة
شوفوا الفرح واضح
باين ومالينا
ما بين وصل وبر
وأجر وطاعة
كلش ولا القطاعة
وكل من لفانا زاير
أبركها والله ساعة
والشعب جنه يعلن التحدي
لما رمضان يبدي
تلقى السنع في كل بيت
يقول الزود عندي
ردّينا ردّينا
بنعلق الزينة
شوفوا الفرح واضح
باين ومالينا
وهاذي السنة مو بس هلاله بيهل
الأحلى واللي أجمل
بنحتفل بالكويت
وفرحة بلادي تكمل
اضرب فرحنا هالسنة بأثنين
فرحتنا عن فرحتين
يعني إذا أقبل العيد
العيد صار عيدين
ردّينا ردّينا
بنعلق الزينة
شوفوا الفرح واضح
باين ومالينا
لو رحت وشفت
ودرت ديرة ديرة
ما يملي عيني غيره
مافي مثل وطنا
ومافي مثل أميره
سنِّد علينا يا وطنا وأبشر
لا تطلب انت أشر
مالك ترى إلا عزك
تبشر وطنا تبشر
ردّينا ردّينا
بنعلق الزينة
شوفوا الفرح واضح
باين ومالينا
هلا ويا زينه
شهر الطمأنينة
أيامنا تحلى
فيه وليالينا
ردّينا ردّينا
لأعياده حنينا
ردّينا لأجوائه
عالخير ردينا