كلمات مهرجان نفسيا غير صالح لـ عصام صاصا وكيمو الديب
أكتر شيء بيزعل فعلاً إنك تبقى وحيد
لا وتمثل دور مبسوط وإنك أكتر شخص سعيد
عايز منتج ينتج من الأحزان الهم شريط
وهورّيكو بعينكو إزاي من الهم أنا اتهدّيت
علمياً بيقولو إن عياط ودموع العين
حزن بقالو سنين
مكتوم جُوّه الشخص ده معناه بجد القلب حزين
عملياً بقى لما تلاقي هموم جُوّاك وجراح
وإنك مش مرتاح
حاول تهرب آخر الدنيا ودوّر على أفراح
أنا زعلان على نفسي وعلى حالتي اللي أنا عايش فيها
مش عارف أخرج منها إزاي ولا عارف أداويها
مرمي في زون مليان أحزان وفي أي مكان بلاقيها
لما بحاول أنا أخرج منها بكون ميت بعديها
نفسياً غير صالح للفضفضة ولأي كلام
جُوّه في قلبي آلام
علشان مش عايز أتكلم بعمل إني تمام
عصبياً أعصابي أنا سايبة عشان مبنمش كتير
يجي منين الخير
ده أنا والله اللي حاسس بيه
مبيشرحهوش تعبير
لما اتخان من أقرب حد هآمن بس إزاي
ولا واحد بيصون العشرة ولا كوباية الشاي
اللي عملت بأصلي معاه بيرُدّ الخير بالشر
اللي جبرني إني أبقى معاكو أنا لا مش مُضطر
كراسة الصدمات مكتوب فيها أسامي ناس غاليين
ناس مني وخاينين
لما أقرب ناس بتخون قلبي هتيجي الراحة منين
لما غريب بيطبطب ويداوي جرح وسببه قريب
يبقى قريب بغريب
أي خيانة هخونها لقلبه هتبقى حلال مش عيب
قلبي اتكسَّر قلبي اتدمّر قلبي معدش تمام
قلبي من الأوجاع متحاوط وبيغرق في آلام
قلبي ده واخد مليون سهم ومش واخد اعدام
قلبي ده غير صالح للحب ولا حتى أي كلام
ما تمري يا أيامي ولا يا موت تعالالي في ايه
عمري أنا عايز أنهيه
مش هزعل على نفسي ملاك الموت أنا مستنّيه
ما تعدّي يا أوقاتي وتيجي يا ليل وحياتي تعال
أصل أنا عايز أدارى
من عين ناس بتشوفني مريض بالنسبالهم أنا حالة
لسّه بحبّك لسّه غاويكي ولسّه بفكّر فيكي
لسّه بتيجي في بالي بجدّ ولسّه برنّ عليكي
أنا بقعد مع نفسي ليالي بعيش أيامي معاكي
لسّه بعيش على أمل إنك ترجعي واسهر وياكي
بعد فراقنا لقيت إن أنا مش قادر أنساكي
حاسس إني معاكي
مهما يطول البُعد أنا قاعد هنا أنا بستنّاكي
أنا صورتك وحشاني وحشني كلامنا في نُص الليل
وهزارنا والتفاصيل
وحاجات كانت بينا لسّه أنا برضو ليها بميل