كلمات اغنية لمة رمضان لـ الحسن عادل
ألو
أنا عازم نفسي على الفطار
زودي المحشي والممبار
وطواجن لحمة بالخضار
ده انا طالع عيني طول النهار
تيجي بالسلامه مستنياك
رمضان جمّعنا وحشنا لقاك
هات وانت جي العيله معاك
الخير كتير من هنا لهناك
هل علينا هل هل هل
رمضانا طل طل طل
هل علينا هل هل هل
رمضانا طل طل طل
زينة وفوانيس في الشارع
والبهجة مالية كل مكان
هل علينا هل هل هل
رمضانا طل طل طل
أول مره في رمضان
ننساها ازاي يا جدعان
لمتنا وسهرتنا بتحلي وقتنا
طب بكره معزومين عندي متجمعين
واللي هيغيب ويكنسل
يبقى مش مننا
يبقى مش مننا
يبقى مش مننا
هصوم ازاي أنا لسه صغير
أنا أخري العصر وكده كده هفطر
لا إمسك نفسك بس شويه
باقي ساعه ع المغربية
انت بطل لازم تصوم
وتقول أذكارك طول اليوم
مالكم ماسكين في بعض ليه
رمضان ده كريم ونسامح فيه
هنبوظ بس صيامنا ليه
اهدى شويه انت وهو يابيه
هل علينا هل هل هل
رمضانا طل طل طل
ما ترد ياواد يا حسين
الليه متجمعين
عندنا جايين قاعدين
للسحور سهرانين
أنا طالع من التمرين
ومش هاكل غير بروتين
لحمة وفراخ وحمام
وبسرعة عشان جعانين
وحوي يا وحوي اياحا
فوانيس رمضان اياحا
بعد التراويح اياحا
ماتش يا جدعان اياحا
لمة رمضان حلوة يا جدعان
وفمصر كمان غير اي مكان
هصوم معاك أنا طول اليوم
رمضان ده لينا احنا كمان
احنا واحد مهما كان
وعزومتك عندي بكره كمان
لو تختلف الأديان
رمضان يجمعنا في كل مكان
بعد الفطار التمر الهندي
والحلويات
دي عمايل ايدي اسم الله عليا
ست الستات
حد ينالوني بس أدوق
سكره عالي طلع لفوق
احنا في ايام مباركه
خلاص ما تزعلوش
كولو براحتكو
بس خفو ما تفتروش
هل علينا هل هل هل
رمضانا طل طل طل
زينة وفوانيس في الشارع
ونشغل كل أغاني رمضان
يا حلاوة رمضان فوانيس وزينه كمان
والبيت كله فرحان بدخوله علينا
يا حلاوة رمضان فوانيس وزينه كمان
والبيت كله فرحان بدخوله علينا