كلمات شيلة المحب الصادق لـ الوليد ال عامر

كلمات شيلة المحب الصادق لـ الوليد ال عامر

اكتب بيوت الشعر للسامعين
عل بأبياتك توصّل مبتغاك
من هجوسٍ تجعل القاسي يلين
من سعمها قال صح الله نباك

البيوت النادره فيها تزين
وعن هزيل القول ترفع مستواك
لا تدور للشعر عذرٍ سمين
دام لك خلٍّ تعمّد في جفاك

لا اتلفّت من يسار ومن يمين
يا قصيدي وانت نجمٍ في سماك
لي يحبك ما تغيره السنين
دايمٍ تلقاه يسعى في رضاك

يستويلك في الهوا خشمن وعين
ولا يروم يعيش في الدنيا بلاك
لو تباعد لازم يرده الحنين
لو يطول الوقت ما دوّر سواك

حافظٍ له سر في قلبك دفين
ماشكيته فالهوى لهذا وذاك
ان حزنت يتم من حزنك حزين
وان فرحت يصير مستانس معاك

لك غلا في داخل فواده ثمين
يرخص بعمره وروحه من غلاك
المحب الصادق ابفعله يبين
لك يسوق العمر في شفك فداك

الوفا والطيب ما بين الثنين
لي بتوفيله بيوفي من وفاك
وازن ايامك على دنيا ودين
ما بعد طول العمر غير الهلاك

كلمات شيلة المحب الصادق لـ الوليد ال عامر