كلمات اغنية لا تبطي لـ راشد الماجد

كلمات اغنية لا تبطي لـ راشد الماجد

جفيت الشعر من مدة
وما غنّيت من مبطي
ورجّعني الحنين وقلت
يا نجوم الشعر وطّي
شعوري وزن واحساسي
قوافي ولهفتي حرفي
ولحن الأغنية وصوت المغني
ترجموا خطّي

حبيبي كنت في غيابك
أفضفض لك عن شعوري
وعن حبي وعن شوقي
وكنت آخذ معك وأعطي
وكنت أزعلك وأزعل منك
وارضى لك وترضيني
وقلبي يعتذر حبًا
ولو ما كنت أنا المخطي

رجعت بشوق لبحور الشعر
واكتبك واكتبني
وأنا موجة فبحر حبك
وقلبك يا الغلا شطي
تمعّن في كلام الأغنية
واللحن والمطرب
تخيّل قلبي الوردة
تخيّل مزنك المعطي

أحبك كل أشعاري أحبك
كل ألحاني أحبك
صوتي وبحّة حنيني
وبصمتي وخطّي
تعال وردّني للشعر
والألحان والغنوة
تعال وقول لا تبطي
وأنا بوعدك ما أبطي

جفيت الشعر من مدة
وما غنّيت من مبطي
ورجّعني الحنين وقلت
يا نجوم الشعر وطّي
شعوري وزن واحساسي
قوافي ولهفتي حرفي
ولحن الأغنية وصوت المغني
ترجموا خطّي

كلمات اغنية لا تبطي لـ راشد الماجد