كلمات شيلة لا حياة لمن تنادي لـ فهد بن فصلا
ساد غيم ولاح برق وطاح دمع وسال وادي
يا عيوني وش بقى من دمعك اللي تذرفينه
بين لا تبحث خفاك ولا حياة لمن تنادي
انقطع حبل الرجا المربوط في النفس الحزينه
لا نويت اسلى عن الحزن بطويلات المبادي
قامت الذكرى وراي تقول جعل الله يعينه
من كثر ما تضغط الدنيا علي واقول عادي
صرت اواجه وقتي الغلّاب واصافح يمينه
الهجر يقدر يسوي ما تسويه الاعادي
والوصل يقدر يعيّش صاحبه وضع السكينه
يا حفيدة متعبين الخيل مروين الهنادي
كل بيتٍ فيك يلبس له عن الابيات زينه
لا تلوميني ليا من جيت لك كلي مفادي
من يشوفك مستعد يسوق لك عمره رهينه
في وصوفك يعجز لساني ولا يعجز فؤادي
يوصلك شعري من الاعماق كنّك تخطفينه
اتعذّر كل ليله بالشعور اللا ارادي
كن ماذا بالشعور اللي من اول تعرفينه
لا يهمّك لو يقولون البحر ما هو بهادي
المهم ان البحر ما طيّر شراع السفينه
اطلبيني كل شي الا التهاون في المبادي
من تهاون في المبادي يا عسى ربي يهينه
عاشقٍ غادي بحبك والله ان ماهو بغادي
لو ورا حبك يبيع العمر ويضيّع سنينه