كلمات اغنية ابو النوعية - محمد الحلفي
ابو النوعيه هوى العصريه
اخو الملويه والحب الجبير
نقش أشوري رسم جمهوري
كتاب اسطوري مخطوط بحرير
هذا المحترم كلش ابو الحنانه
أكبر قاصه شيعيه زلم مليانه
هذا التارس الطوسي گصص عرگانه
ابن حيدر وما يدخل حرب خسرانه
انته العجزت اتقلده جميع القاده
وانته النامت بفيه الغجر والساده
وجودك خله اسد بابل جبير ازياده
وجهك سوه سامره نقش بگلاده
وجود ابو هاشم أمان الوادم
صواني القاسم والخير الجثير
بطل قصتنا جبير اخوتنه
البخت مالتنا للزهره سفير
أول قائد امسوي زخم بالشارع
عليك الوادم امدافع سبيل بجامع
المد البري والجوي لجنابك تابع
يالجمهورك امكسر البند السابع
بالتعداد الشعب والنص عدد شعبيته
الرأي العام والشعبي ملك شخصيته
والتغريدته اتعالج مثل راجيته
مثل الزئبق وغالي عطر خاجيته
جواز بجيبي حبيب اكليبي
نسيم اعذيبي والعشگ الشهير
زعيم أبلادي وقف بغدادي
عشگ مو عادي وبكلبي أمير
أول مقتدى بگلبي جثيره افضاله
يا ابن الحلال انته وبو الخياله
ابن لبنان ضم صوتك خبز لعياله
يفياي النخل وجهك عله العماله
جو رمضان بالمسجد سعاده اعيونك
دعاء الافتتاح انته لليحبونك
من النجف ولغزه وصل ماعونك
يطلسم من زمن بابل صعب يقرونك
ابو النوعية كلمات
قصيدة : ابو النوعية
اداء : محمد الحلفي
كلمات : علاء سالم
الحان : سلوان الناصري
توزيع : آدم كاراي