كلمات اغنية في حاجات لـ اشرقت احمد

كلمات اغنية في حاجات لـ اشرقت احمد

في حاجات بتسيبنا ومنسبهاش
وحاجات بنعوزها ومنخدهاش
حكايات عايشنها ومنسنهاش
تفاصيل مش عارفين نحكيها

تايهين مش عارفين فين رايحين
بالاسم يادوب بنقول عايشين
فاكرين أوجاعنا ومش ناسيين
ودايمًا بنحاول نداريها

مفيش فايده نقول ونعيد
دانا مرتاحه وانت بعيد
كلامنا خلاص بإيه هيفيد
مفيش حاجه ترجّعنا

خلاص امشي ومترجعليش
ده أنا في بعدك بدأت اعيش
حياتي معاك متلزمنيش
وصعب الدنيا تجمعنا

بنهرب من جروحنا ساعات
وبنداري الوجع بسكات
ومهما الوقت عدّى وفات
بنفضل بردوا فاكرينها

بنحاول ننسى اللي واجعنا
وحياتنا بقت ملهاش معنى
وفي ثانيه الذكرى ترجّعنا
لحاجات أصلا مش عايزينها

مفيش فايده نقول ونعيد
دانا مرتاحه وانت بعيد
كلامنا خلاص بإيه هيفيد
مفيش حاجه ترجعنا

خلاص امشي ومترجعليش
ده أنا في بعدك بدأت اعيش
حياتي معاك متلزمنيش
وصعب الدنيا تجمعنا

كلمات اغنية في حاجات لـ اشرقت احمد