كلمات اغنية رمضان جانا - أيسل خالد
واحشنا يا رمضان
واحشنا يا رمضان
واحشنا يا رمضان
واحشنا يا رمضان
صوت المدفع قبل الأذان
بوجي وطمطم بكّر كمان
الله على رمضان زمان
لمّت صحابنا وأحلى جيران
ياميش قطايف وتمر هندي
وقاعدة مع أغلى ناس عندي
سهرة للصبح نعلّق زينة
وأخونا مينا إيده في إيدينا
كل الشوارع منوّرين
والبلكونات متزيّنين
والناس برمضان فرحانين
وموائد الرحمن كتير
الكل ذنبه بيتغفر
وفي ناس بترجع من السفر
وما فيش عيلة ناقصة نفر
رمضان بييجي معاه الخير
رمضان جانا وجاب الخير
رمضان جانا في الفرحة كتير
رمضان فيه لازم التغيير
صوم وعبادة وصلاة وقيام
رمضان جانا وجيه الغفران
شهر المغفرة والقرآن
رمضان جانا برحمة كمان
نفسنا تكتر هي الأيام
وليه يا ماما أول يوم محشي
هو في المنهج وأنا ما أعرفش
دفتر رسمي لأول يوم
ادعوا لنا بس الخير ده يدوم
لعب الكورة بقى والدوران
مع أحلى أصحاب وأحلى إخوات
نلعب كورة لحد المغرب
بس ما ننساش الصلوات
بعدين نفطر تاني نتجمّع
أنا وأصحابي على القهوة بنطلع
نحكي ونتكلم ونهزّر
وساعات مع بعضنا نتسحر
مسحراتي بقى يصحّينا
اصحى يا نايم وحد الدار
وبصوته ينده على أسامينا
اصحي يا أيسل
رمضان جانا وجاب الخير
رمضان جانا في الفرحة كتير
رمضان فيه لازم التغيير
صوم وعبادة وصلاة وقيام
رمضان جانا وجيه الغفران
شهر المغفرة والقرآن
رمضان جانا برحمة كمان
نفسنا تكتر هي الأيام
هندعي في كل صلاة لشهدائنا
هندعي لكل جرح إخواتنا
هندعي نصلي يوم في الأقصى
علشان تكمل بقى فرحتنا
كلمات أغنية رمضان جانا
غناء: أيسل خالد
كلمات: أحمد حمتو
ألحان: مؤمن سرحان
توزيع ومكس وماستر: التوينز