كلمات شيلة اسجعي يا حمامه لـ راشد الجزوى

كلمات شيلة اسجعي يا حمامه لـ راشد الجزوى

حضري يا هجوسي واسجعي يا حمامه
جبت من ندر الافكار شيٍ ثميني
حان وقت القصيد اللي يذب العدامه
فيك ياللي هويتك قبل لاتهتويني
من قبل لا يبين من غرامك علامه
ورغم قوة غموضك عندي انك تبيني
ادري ان الهوى له تضحيات وغرامه
وراضيٍ بك وباللي من هواك بيجيني

جعل مالي من يدين المحبه سلامه
كان سلامتي فلتة يدك من يديني
منزلك في السما لين امطرت بك غمامه
وصرت رزقٍ كتبه الله بعالي جبيني
منت باللي اتطوى عقب فتره خيامه
من فوادن غدالك فيه حصنن حصيني

يا حبيبن جذبني له حلاه وكلامه
وامتلا القلب حب وما امتلت منه عيني
كانه ازرا لاياخذ خاطرك من مرامه
فزبن الصدر وابشر بسعدك يا زبيني
اي قلبي تراك تعرف وش هو نظامه
لو يلين الصخر لي قلب ماهو يليني
لا تقلل وقار ولا تمس الكرامه
وابشر بما بغيته كون ذا الحاجتيني
الرجل ودك انه فل عز وقرامه
وانا تندا من الثنتين راحت يميني

كلمات شيلة اسجعي يا حمامه لـ راشد الجزوى