كلمات اغنية متتغروش في تربيتي لـ مسلم
أنا اللي تملي بستجدع
مع الكل ومفيش جدعان
ومش لاقي راجل مجدع
ومش كسبان عشان سلكان
لو انت جدع فانا الأجدع
وهات أحزان كمان يا زمان
أنا تايه وبتتقطّع
حياتي كتاب ملوش عنوان
بقيت بالهم بتمتّع
وبزعل لو بقيت فرحان
وحاسس إن أنا بودّع
وشكلي هموت من الكتمان
صباحكوا بلون قلوبكوا الطين
يا حودين يا ولاد الخاينين
تخونوا اللي في يوم شالكوا
وخلاكوا ع الرجولة واقفين
يا واقعين يا ولاد الواقعين
أنا شايف وعامل فيه
ومش رادد عشان جاضض
ومش فاضي لعيال فاضيين
بفضل الله أنا في ميزة
بطولي شاغل ۲۰۰ مليون
ومش محتاج لتعويذة
أنا اللي ساندني رب الكون
وعندي الحرب دي غريزة
وعندي مفيش صاحب مضمون
تملي ماشي ومالي الفيزا
وبدلع نفسي مهما يكون
يا ناس يا أونطة يا رخيصة
كفاية حسد ورمي عيون
في كام إبليس وإبليسة
كاشحهم مهما ربّوا دقون
يا صاحبي كفاية بقى تمثيل
برافو بجد فيلم جميل
في مشهد شوفته كذا مرة
وشكلك حلو وانت أصيل
وكان نفسي في طلب يا كبير
عايز أحضر معاك تصوير
وأقول للدنيا دي بحالها
زميلي برنس في التحوير
متتغروش في تربيتي
أنا ابن قصور لكن مطرود
وشبعان يابا من بيتي
طبق صاحبي ما بصّلهوش
وحاولوا يفهموا شخصيتي
راحوا في سحلة ولسه ما جوش
ما تستغربش من الهيبة
دي حاجة عليها متعود
ترد العيبة بمصيبة
وقلبي ده مات وبيموت
محدش حمل توضيبة
تشوفني يا خصمي بتحود
مفيش بالحب من تاني
ولا الصحوبية لزماني
عشان الكل بيسوقها
وأنا طول عمري وحداني
كلام في الضهر بالكترة
مفيش رجولية من فترة
وكله يا ناس بيتجاحد
صحاب في القلة دي دكاترة
أنا من بكرة هستمتع
ومحتاج إني أدلعني
وسامحيني يا نفسي عشان
أنا قصّرت فيكي أوي
وأي واحد هييجي معايا
هخلي الطب يحتار فيه