كلمات اغنية يوسفيه بالجمال لـ ماجد خضير
الجفا بعد الوفا هم قلب وبري حال
من هنوفن عيني إلها وقلبي يمها
فارعن في خافقي حطت السحر الحلال
مثل ماحطت ذوات الجمال بكمها
هاشميه بالنسب يوسفيه بالجمال
ماهره في بخترتها وخفة دمها
كل مامرت عليّ ومر إبها المجال
قمت أبعثر ذكريات الزمن وألمها
وأتذكرلي وصوفٍ مثل نسج الخيال
نوب يخطيها خيالي ونوب يخمها
ما تفارق متحف الذاكره طول الليال
ودي أمدحها بوصفي وأخاف اذمها
عارضتني بين مشي التبجح والدلال
عين خرشاً في رفيع الجبال وشمها
صدرها عن جسمها فيه زمه وإنعزال
خوختينه في علوه على أول زمها
يدلج الخمري عليها لشلاله ظلال
لو تركته ينتثر كلبوها طمها
عن جبين الصبح تفهق سواده لين مال
وفي خصاله تفرد إيدينها وتظمها
مالها من خصرها الا كبر قوس الهلال
كل كتله يوم تمشي تجره يمها
إنتحت والبعد عني قطع كل الوصال
والقلق دمّر حياتي وحالي سمها
حايرٍ ماعاد عندي على الصبر احتمال
لو يرفى مثل بيرٍ يرفى جمها
والله المعبود لولا الكرامه راس مال
من بدايات الطفوله وأنا انقل همها
ما تراجع لو تطيح العمامه والعقال
لين أجيها لو تجي بين ابوها وامها
لو ثمنها قص راسي ودفنه في الرمال
المهم اللي بدى في لزوم يتمها