كلمات اغنية قولت كلمة (هنساه) لـ كريم محسن
أنا قلت كلمة
وعمري ما هعيد غلطتي
من اليوم دا عمري
ما أشاركه خطوة في سكتّي
إخلاصي مردود لي بأذى
وعملت خير ياما اتنسى
هستنى يعني أشوفه دمّر دنيتي
دا مجاش في بالي
فيه قلوب جبروت كده
مع إنه في البدايات
ظهر لي خلاف كده
مين كان أناني وقال أنا
هو اللي فرّط مش أنا
فأنا بُعدي عنه رد فعل لكل دا
هنساه
وكإني أنا ما صادفته أصلًا في الحياة
والله في عون كل اللي يوم هيكون معاه
هيشوف معاه جرح وشقى
ومليش
خير فيه وحقيقي لازم إني أبعد وأعيش
باينالي زي الشمس إنه محبّنيش
فأنا سايبه للأيام بقى
أنا كنت ليه ويا ريتُه عني يُؤتمن
بس اللي يظلم جاي له يوم يدفع تمن
هيجيلي غيره مطرحه
وهشوفه واقف مطرحه
وأنا يومها هشمت فيه وبقولها مقدمًا
وهنساه
وكإني أنا ما صادفته أصلًا في الحياة
والله في عون كل اللي يوم هيكون معاه
هيشوف معاه جرح وشقى
ومليش
خير فيه وحقيقي لازم إني أبعد وأعيش
باينالي زي الشمس إنه محبّنيش
فأنا سايبه للأيام بقى