كلمات اغنية خيانة عهد لـ ابوالشوق
في الحب
اوجاع كتيرة وجراح في القلب
خسران كتير ياللي ناوي تحب
احساس مزيف مليان كدب
هتعيش في احزانك
اتنين
من صغرهم كانو متعاهدين
ان اللي بينهم يبقا سنين
واثقين في بعض ومش خايفين
من اي حاجه تاني
ايام
مرت بسرعة وكبرو قوام
هيخش جامعة وهيا كمان
هيروحو كل واحد في مكان
جامعة غير التانية
البنت
شافت واحد امور وبرنس
خطف عينها ماهو شيك في اللبس
معاه فلوس قالت ده الكنز
والتاني ما في داهيه
نسيت
على الفلوس راحت جريت
وواحده واحده بقا بتبعد
سابت حبيبها خلاص مشيت
وخلاص كده باعت
حبيبها
راح ليها يسأل يعاتبها
قالتلو يمشي ويسيبها
وقالتلو فقرو هيتعبها
وعلى الظروف عابت
ده عذاب
بعد اللي سمعو جالو اكتئاب
قرر يسيبها وقفل الباب
ومن حياتو كتبها غياب
ومن غيرها قال هيعيش
ايام
بتعدي وهو عايش في آلام
ازاي وليه بسهولة يتخان
من واحدة كان مديها امان
جرحتو على مفيش
خسران
الليل يعدي عليه سهران
كل الوعود دي كلام في كلام
على نفسو بقا مكسور زعلان
محطوط بين نار وجحيم
هيا
كتبت كتابها على عريسها
ماهي فاكرة قال هيعززها
يصرف عليها يلبسها
وتعيش معاه في نعيم
والبيه
الدنيا جت بخسارة عليه
بدء يبيع املاكو واراضيه
حتى البيت اللي عايش فيه
هيبيعو وفي ورطه
شوف مين
هيشتريه حبيبها القديم
بقا بيه كبير ومعاه ملايين
ومراتو لابسه ذهب كيلوهين
وهي دي الصدمة
من القهر
مصدقتش ده كله بجد
اغمى عليها وعقلها شام
بقت فقيرة ولا بيت ولا ارض
مرميه في الشارع
زمان
بعتيني وانا واحد كحيان
بقيت غني ومن الاعيان
قصة صحيح ولا في الافلام
سبتيني وانا ضايع
وبقيت
عشان زمان بنصيبي رضيت
فاكر خيانتك انا مانسيت
حقي اهو منك رديت
وانتي اللي خسرانة
ربك
خلاني اخد حقي انا منك
قدامي اهو مكسورة عينك
فرق كبير بيني وبينك
شوفي ذل واهانة