كلمات اغنية بتحداكي لـ احمد كامل
وعشتي معاه وقلبك جنبه مش بيعيش
نسيتي تكوني جنبه بس ما نسيتينيش
مشيتي معاه وإحساسك
فضل في الذكريات ماسك
ولو سألك في يوم عني ما بتجاوبيش
وكل ما يوم خيالك فيا بيفكّر
بيبان قلبك سما وعينيكي بتمطّر
كلام جواكي بتخبيه
عملتي إن انتي بتحبيه
عشان تنسيني بيه دي القصه مش أكتر
أنا بتحداكي تقولي بحبك
وانتي عيونك جوا عينيه
تقوليله إنك بتحسي معاه
إحساس ما تحسش من قبليه
أنا بتحداكي تقولي بحبك
وانتي عيونك جوا عينيه
تقوليله إنك بتحسي معاه
إحساس ما تحسش من قبليه
بحبك كلمة منك مهما تتقالو
دي فرحة ما اظنهاش لو يوم هتكمله
ومهما قابلتي بعدي في ناس
ولو جربتي 100 احساس
مكاني في قلبك انتي مين هيوصله
ومهما تقولي عايشة ولاقيه جنبه نصيب
غريبة انتي عنك هوا بردو غريب
وبكرة أما السنين هتدور
هيتبدل ما بينكوا الدور
وإيده اللي انتي ماسكها مسيرها تسيب
أنا بتحداكي تقولي بحبك
وانتي عيونك جوا عينيه
تقوليله إنك بتحسي معاه
إحساس ما تحسش من قبليه
أنا بتحداكي تقولي بحبك
وانتي عيونك جوا عينيه
تقوليله إنك بتحسي معاه
إحساس ما تحسش من قبليه