كلمات شيلة سعودي العرق لـ فهد بن فصلا وخالد آل بريك
سعودي العرق والمنشأ وعز الجناب
لاقيل يا أهل العروبة وين عرابها
تسلطن اطنخ تفنجل فوق غر السحاب
خل الكلاب العقورة تلوي أذنابها
تسلطن اطنخ تفنجل فوق غر السحاب
خل الكلاب العقورة تلوي أذنابها
حنا عقايب هل الطمعة وسوط العذاب
لا كفهرت سودها وإكشرّت أنيابها
حنا حنا سلايل مروين القنا والحراب
يوم ان بقعاء وابوها تو ما جابها
نشرب فناجيلها لكبر يوم المصاب
لو إن اخو مرّه الملعون يلغى بها
أنا سعودي
سعودي العرق والمنشأ وعز الجناب
لاقيل يا أهل العروبة وين عرابها
تسلطن اطنخ تفنجل فوق غر السحاب
خل الكلاب العقورة تلوي أذنابها
أشاوسٍ ما ضربنا للمنايا حساب
من دون دارٍ عشقنا طاهر ترابها
حنا زهاب الفخر في يوم حث الركاب
الموت بأسباب والأمجاد بأسبابها
بنات الأمجاد نكسبها ذهاب وإياب
ما فيه عفراً عصيّه ما رجعنا بها
في سيف اخو نوره الأجرب نقص الرقاب
لا عاد بعض الرخوم تفتل اشنابها
أنا سعودي
سعودي العرق والمنشأ وعز الجناب
لاقيل يا أهل العروبة وين عرابها