كلمات اغنية ليت الليالي لـ أصيل أبو بكر
ليت الليالي ترجّعك وترجّعني
ليت الليالي حمد ويّاك تجمعني
وترد لي في غرامك أجمل سنيني
مشتاق لك ولمكانٍ فيك يجمعني
لليل والصيف وعيونك عناويني
مشتاق أسافر معك.. والغيم يتبعني
لندن وصوت المطر وايديك بايديني
وهناك تحت المطر نجلس.. تسمَّعني
من نهر شعرك زلال الحب تهديني
أقاسمك فرحتي.. وهموم توجعني
وانته من دلال ضحكاتك تقهويني
يا عمري اللي بعدك العمر ودَّعني
ذكراك حية معي.. ما بيني وبيني
لي شفت صورتك بغيابك تطالعني
يتعبني الشوق والذكرى تبكيني
وش عاد يعني العمر بعدك ووش تعني؟
دنياي دونك ترى ما عاد تعنيني
ما عاد به شي في الدنيا يمتّعني
لو أملك الكون عقبك ما يسليني
يا ليت وقتي على وصلك يطاوعني
وترد من غيبتك يا اغلى محبيني