كلمات شيلة احلى بشر لـ بدر العزي
ياللي جمالك عجب لا طلة اهدابك
تراك من طلتك في الناس متجمّل
يا احلى من احلى بشر شرّف على احبابك
عاد الغلا فيك متعشّم ومتأمّل
في جيتك يستحي من نفسه غيابك
يوقف لك الشوق لين اطرافه تنمّل
الفرصه اللي تحبك كيف تحظى بك
والموعد اللي يجيبك كيف يتحمّل
سولف لو الوقت ما يرضيك يرضى بك
السالفه معك ما تكمَل ولا تنمّل
لا تسكت الله يرحم شايبٍ جابك
بتخلص السالفه باقول لك كمّل
يزهى بك الورد يالمملوح يزهى بك
الورد في غيبتك ذبلان ومهمّل
يشمّك العطر ويقرّب من ثيابك
والمعطف اللي يضمّك فيك متزمّل
ياللي جمالك عجب لا طلة اهدابك
تراك من طلتك في الناس متجمّل
يا احلى من احلى بشر شرّف على احبابك
عاد الغلا فيك متعشّم ومتأمّل
تحوفك الأرض حشمه وتحفّى بك
ويمرك الغيم لا وقّف ولا كمّل
كنه الى مر من فوقك توصى بك
ظنّي المطر ينتظر جيتك ويهمّل
يعزف لك العود والناي يتغنى بك
يثمل بك الخمر كيف الخمر ما يثمل
مُعجب بك الكون محدٍ ناله اعجابك
شفت القمر فيك متعجّب ومتأمّل
ما يختلف فيك عذالك مع اصحابك
بعدك ولا احدٍ يقول الزين ما يكمل
تقدر ترد الغلا وتريّح اعصابك
بس الغلا فيك متعشّم ومتأمّل