كلمات انشودة ضيف كريم جانا لـ أحمد حسن الأقصري وريتال احمد
ضيف كريم جانا لمّه وحشانا
هاتوا فوانيسكو وافرحوا معانا
ما احلى أيامه بخت من صامو
يلقى في الاخرة جنه قدامه
شهر كله طاعة وعبادة
مش لأكل وشرب بزيادة
أو دراما وسينما كذابه
ليه نسيب الدنيا لهيانه
يلا نختم فيه ولو خدنا
من قلوبنا تتمحي العتمه
لو ذنوبنا على القلوب كتمه
توبه صادقه تحلي دنيانا
جاي يشحن قلبنا بتقوى
لاجل نبقى بالإيمان أقوى
لو علينا حد يستقوى
نلقى قوة ربنا معانا
ضيف كريم جانا لمّه وحشانا
هاتوا فوانيسكو وافرحوا معانا
ما احلى أيامه بخت من صامو
يلقى في الاخرة جنه قدامه
هات لي طبله نفسي قوي فيها
لاجل اصحي الحاره بما فيها
هات لي بومب ويلا نديها
ونقوللهم ضيف كريم جانا
do you love me
يبقى هات ليا الفانوس الحلو ياعنيه
اصله عندي حاجه أساسيه
وان ما جبتوش هبقى زعلانه
انت تؤمر يا حلو وانا اجيبلك
لو تنازل عن عمري هكتبلك
يا اللي ما فيش بعدك ولا قبلك
المهم تكوني فرحانه
اهو فانوسي خمسه في عينيكم
ده بفلوسي مش جايه اغيظ فيكم
أنا بهزر أنا كنت برازيكم
انتم ما شاء الله عينيكم مليانه
ضيف كريم جانا لمّه وحشانا
هاتوا فوانيسكو وافرحوا معانا
ما احلى أيامه بخت من صامو
يلقى في الاخرة جنه قدامه
الله يرحم حد كان بينا
على الليالي الصعبه بيعينا
ربي يجعل تربته جنه
ربي يغفر ذنب موتانا
بعد ابويا الفرح ودعني
مهما أصرخ ما حد يسمعني
وان سمعني صعب يفهمني
وان فهمني برده أنا بعاني
إهدى يابا هون على قلبك
ده اختبار وجاي من ربك
مهما يحصل هفضل أنا جنبك
فك يلا وافرح معانا
ضيف كريم جانا لمّه وحشانا
هاتوا فوانيسكو وافرحوا معانا
ما احلى أيامه بخت من صامو
يلقى في الاخرة جنه قدامه