كلمات مهرجان الزم معايا حدودك - عصام صاصا
ما ترجعوش تلوموني
انتوا اللي حولتوني
زعلان عشان شفتوني
شوفة مش بتاعتي
والله ما هحلكم
الا اما اصحح لكم
في حقوق كتير عندكم
وهاخدها وقتي
بما ان كله اتجاحد
أنا هقسى واصبح جاحد
احاسبكم واحد واحد
ع المسطرة امشيكم
ولا حب ولا حنية
استقبلوا المرازيه
ماهو لو ما شفتوش ليا
ايه المشكله هوريكو
ما فيهاش لا كاني ولا ماني
ولحد كده عداني
قلت لكم وشي التاني
والله ما هيعجبكم
كانت حلوة مسختوها
انتو اللي بوختوها
بأمانه زودتوها
شوفوا بإيه تجيبكو
يا ع الزمان ده وناسه
القله ناسي اساسه
بيساوي راسي براسو
ازاي يا خلق قولولي
على رجلي كنت بشيلو
دلوقتي شادد حيلو
أنا عندي ياما بديله
هيروح وهما يجولي
لا مش أصول يا زميل
واجب ترد جميلي
واحد غيرك يدعيلي
على حسي انت بقيت
اللي انت برضك فيه
أنا كنت سبب فيه
ولا كنت تحلم بيه
جمّعلي ياللي نسيت
إلزم معايا حدودك
يا اصفر لاهنهي وجودك
ولا جد جد جدودك
يعرف يعيشها عليا
اعوج تاخد عدلتك
اظبط يالاه لا اهلفتك
حوش اللي على شفتك
واصحى لكلامي شويه
اظبط يا خال ما ظبطش
ده انت في جدع ما خبطتش
معايا انا ما تتحطش
لا في مخي تتسجل
لابس لي ماسك رجوله
وهو واد هلهوله
أنا برضو فاهم الفوله
رزمن ياد استرجل
يا ابن انتحال شخصية
صدقني فيها قضية
لو قابلتك دورية
كلابوش أوام في ايديك
مظبوط ع الساعة كام
اتغطى لما تنام
ابيض عليك يا تمام
ربنا يسترها عليك
الخيبة عارفة اصحابها
عندك يلا مجربها
احسبها كده واضربها
هتقولي حصل أنا خايب
نظرتي فيك من الاول
قالت ده كان واتحول
كده حلو مش هنطول
مفيش عتاب ع العايب