كلمات اغنية كايرو - حمزة نمرة
يا خسارة همشي معلش همشي
هايصة الحياة ومش عارف حد
بحاول أفرح قبل اما أروّح
عمال ادور طول الوقت
على حد شبهي لو حد جنبي
كنت قلبت الدنيا بجد
ده العمر حتى يحلو حته
لو روحت حته وليك فيها حد
وانا ليه أفرح لوحدي أنا ليه
في مكان ما حدش شبهي أنا فيه
أنا عايز ناس معايا
تقاسمني الفرحة دي
كايرو حد هنا من كايرو
مش فارقة فين من كايرو
من أي حته في كايرو
كايرو حد هنا من كايرو
مش فارقة فين من كايرو
من أي حته في كايرو
الحل عندي ما ابقاش لوحدي
ويا دنيا مرضي بأي حد
هاتي ناس حياتي دي زي حالاتي
تقف معايا وفي ضهري تسد
هاتي الحبايب أقرب قرايب
وصحاب تهزر وقت الجد
هات حد غالي لو حزن جالي
نضحك على الاحزان مع بعض
وانا ليه أضحك لوحدي أنا ليه
في مكان ما حدش شبهي أنا فيه
أنا عايز ناس معايا
تقاسمني الضحكة دي
كايرو حد هنا من كايرو
مش فارقة فين من كايرو
من أي حته في كايرو
كايرو حد هنا من كايرو
مش فارقة فين من كايرو
من أي حته في كايرو