كلمات اغنية آخر رساله لـ الوليد ال عامر
قبل ذا اليوم من آخر رساله
من ثلاث اشهور
عرفت ان الغلا بيدين غيري
صار يكفيها
دريت إنك تودّعني
وداعٍ ماهوب مغفور
وتطلبني رضا قلبٍ وكبدٍ
انت كاويها
تَعذّر لي على اللّي قد مَضى
ما عاد به معذور
عرفت إن العذر يخفي أمورٍ
كنت خافيها
جرى وقتي على غير المنى
يا حظّي المعثور
خذاك الحظّ عن دربي
وخانتني أمانيها
ولو نرجع زمان الزير سالم
والسنين تدور
خذيتك من قدر وقتك
ونار الحرب اصاليها
ولكن وقتنا الحاضر
نظامٍ يحكمه دستور
ولا نقدر نعدّي أمر شورٍ
من نواهيها
زرع حبّك بقلبي
دون لا علمن ولا لي شور
مثل ما يزرع الحلم الأمل
في عين غافيها
ملك صدري غلا حبّك
وانا قبلك وطن مهجور
كما وردٍ ذبل وسقى جذوره
من مناشيها
تمنيّتك على وضح النقاء
صادق غلا وشعور
مثل ما الارض تتمنّى مطر
والغيم ناسيها
تمنّيتك على طول العمر
تبقى معاي دهور
نعيش الحب في فرحه
ولا نخشى مأسيها
رحلت وما بقى الا صوتي الحاير
على الحنجور
يغنّي لك ودمع العين يسبقني يغنّيها
رحلت وما بقى غير الألم
يبقى معي مذكور
حكايه قصةٍ ضاعت
قبل تمحل لياليها
سنين الحب راحت
بس باقي طيفك المعمور
يزور العين لا غابت
نجوم الليل ياتيها
وأنا شاعر جفاك اللي بيوته
كوّنت جمهور
على دفتر قصيده
تنكتب لك في معانيها
فمان الله يا حبٍ سكن صدري
عسى ماجور
عسى ربي يبيحك من جروحٍ
انت راعيها
فمان الله يا أغلى صدفةٍ
مرّت على العصور
خذاك الوقت منّي
وامتثل أمرٍ بخافيها
تذكّرني ليا عيّا زمانك
واختفى المسرور
تلاقيني قبالك
عيني أول من تلاقيها
منحتك من سكون الليل بيتٍ
صادقٍ مستور
عرفني كل عاشق من حروفي
يا معنّيها