كلمات اغنية في ناس لـ سوليما
في ناس عليها يتزعل
وناس عليها يتبكي
وانت اللي زيك للأسف
خسارة سيرته دي تتحكي
كان حد لامك لما بيعت
ولما ضعت بتشتكي
بتفتكرني عشان وقعت
يا خسارة ماطلعتش ذكي
فضها سيرة بقى فضها
صفحتك إنت قفلتها
والحسنة اللي عملتها
إنك سيبتي ومشيت
علمتني اه وفيدتني
أزعل عاللي يحبني
اما انت ولا تهمني
إنسى الموضوع ده ياريت
لما اللي زيك يتحرم
من اللي حبوا وأخلصوا
حايحس باللي بيتظلم
والوحدة بُكرة تونسه
مبقاش في بينا خلاص عشم
إلزم حدودك فوق بقى
جرّب ودوق نفس الألم
هتعيش بتحلم باللقا
وفضها سيرة بقى فضها
صفحتك إنت قفلتها
والحسنة اللي عملتها
إنك سيبتي ومشيت
علمتني اه وفيدتني
أزعل عاللي يحبني
اما انت ولا تهمني
إنسى الموضوع ده ياريت