كلمات اغنية تتر النهاية مسلسل درش لـ خالد سلطان
أنا مين مش عارف متبدل
وبقول معلش هتتعدل
وخداني الدنيا في حواديتها
وكإني قضية بتتأجل
عمّال أتكعبل واتخبط
وبقول هتعدي وتتظبط
وبنام وبقوم على ١٠٠ حاجه
تعبان من الفكر ومتلغبط
زي ما يكون حظي ضايع
جوه زحمه ومش لاقيه
ألف شخص جوّه مني
نفسي أعرف أنا ابقى مين
كل يوم بسأل في نفسي
امتى هرتاح لو يومين
جوه توهة ومش لاقيني
رايحه بيا يا دنيا فين
مش عارف أنا مين
أنا نص مكسر ومدغدغ
على نص سليم
عرفتو أنا مين
أنا حد الدنيا لاغت فرحو
ومشيو المعازيم
زي ما يكون حظي ضايع
جوه زحمه ومش لاقيه
ألف شخص جوّه مني
نفسي أعرف أنا ابقى مين
متربط بحبال متكتف
وفي مركب مش قادر ادف
والموج عمّال يخبط فيا
وبعافر والموج بيحدف
مضغوط ومافيش ولا يوم راحه
ما تخفي يا دنيا وبالراحه
ماترد عليا بقى قوليلي
هو أنا مين فيهم بصراحه
زي ما يكون حظي ضايع
جوه زحمه ومش لاقيه
ألف شخص جوّه مني
نفسي أعرف أنا ابقى مين
كل يوم بسأل في نفسي
امتى هرتاح لو يومين
جوه توهة ومش لاقيني
رايحه بيا يا دنيا فين
مش عارف أنا مين
أنا نص مكسر ومدغدغ
على نص سليم
عرفتو أنا مين
أنا حد الدنيا لاغت فرحو
ومشيو المعازيم
زي ما يكون حظي ضايع
جوه زحمه ومش لاقيه
ألف شخص جوّه مني
نفسي أعرف أنا ابقى مين