كلمات شيلة شهرت حبك لـ الجفراني
يا طول ليل الشتاء طولاه يا مسلمين
من يوم جاني معه ضيفٍ ماهوب انكري
يسيطر الصمت ويضم الكرى كل عين
وعيون يعقوب لولا الصبر وش تحتري
أنا اللي اقول ذبح الذيب ماهوب زين
كيف اتهموني بدم الذيب وانا بري
لازال علمه ورى الاضلاع سرٍ دفين
احيان ما ينجحد واحيان ما ينطري
اليوم قدني على مشارف الاربعين
استامني يالبكار الوضح واستبشري
لابد اجيهم عقب غيبه بعلمٍ يقين
حتى لو ان الظروف تحيّر العبقري
يجيك من صلب بيّاع التتن شيخ دين
ويجيك من صلب تباع البكار حضري
يارب هب لي ثقل حجه وجنبٍ متين
لاميّل الحظ مثل بريهة العسكري
ولا انت يا مشغلٍ فكري عن العالمين
لازلت في سيرتك متطرف وعنصري
انت اخر اللي لقيت من العرب الاولين
من طرفك المستريب لزينك الجوهري
انت اخر اللي لقيت من العرب الاولين
من طرفك المستريب لزينك الجوهري
اللي يصلي معك فأول لقا ركعتين
لو مالقا قوت يومه عده اكبر ثري
العام هذا كمال نصاب عشر السنين
ياللي مشاهدك يغني عن حليب المري
ياكثر ماغيب عند مهجرعات الحنين
وانا على جيتك يابري حالي بري
أنا ماحب التناقض كون في حاجتين
اهيم واسري لها في ليل ما ينسري
ترحيبك بالابتسامه وانت خاطرك شين
وتصنعك للقساوه وانت عودك طري
أنا ماحب التناقض كون في حاجتين
اهيم واسري لها في ليل ما ينسري
ترحيبك بالابتسامه وانت خاطرك شين
وتصنعك للقساوه وانت عودك طري
ياكثر ماغيب
وانا على جيتك يابري حالي بري
سبحان من ميزك بين العباد اجمعين
كنهم غسول قهوه وانت قهوة شمري
شهرت حبك وانا واحد من المعجبين
مسلمك جوختي يا لابس الغندري
تزعلني بكلمه وترضيني بكلمتين
ذللت لك قلبي اللي في المواجه جري
صخرت لك في مجال مدلهات الحزين
مالا يصخّره ابو تمام والبحتري
شهرت حبك وانا واحد من المعجبين
مسلمك جوختي يا لابس الغندري
تزعلني بكلمه وترضيني بكلمتين
ذللت لك قلبي اللي في المواجه جري
ياكبر فضلك على طلابي الناجحين
وانا ماخذت البلاغه من كتب الازهري
ماعاد لي في وجيه الناس طلاب دين
سددت فاتورة البياع والمشتري
ان كان باقي ورى قضبان صدري سجين
جدّدت له قصة ابن سعود والمسعري
ان كان باقي ورى قضبان صدري سجين
جدّدت له قصة ابن سعود والمسعري
شهرت حبك وانا واحد من المعجبين
مسلمك جوختي يا لابس الغندري
تزعلني بكلمه وترضيني بكلمتين
ذللت لك قلبي اللي في المواجه جري