كلمات اغنية عشاق ليل لـ محمد ال دلبج
لا تجرحيني جرحك العام ما طاب
داوي بحنانك ما مضى واجرحيني
لا تجرحيني
ياللي حنانك نظرةٍ بين الأهداب
ردِّي علي بعض العزا ناظريني
لا تجرحيني
توافد الغيم قبله والهوا زمه
والتم شمل السحاب وناض برّاقه
وسرا رزيز الرعد في عرض ملتمه
وانساق غيث المزن سبحان من ساقه
وسريت مسرا الحزين اللي كشف همه
كثر انعزاله عن العالم ودناقه
يسوق رجله يدور للسعه يمه
لعل والا عسى يسلى تغلاقه
على الذي لا امدح وصاله ولا اذمه
لا العهد عهده ولا الميثاق ميثاقه
عشّاق ليل يحضن الهم ويلمه
على طريق اللقا والشوق وعناقه
تخالفو في اكبر من العذل والنمه
ولا للعذر وجه لو ما للصبر طاقه
وتفارقو وآسف المتعمد مطمه
كثر الخطا لا عطا وجه العذر باقه
لو عاد نفس الطريق يضم ما ضمه
ما استوحش الليل دون الدرب عشاقه
عودت من دون دربٍ كل ما اتمه
علقت به قلب يوجعني تعلاقه
أجنبه واتحاشى روحتي يمه
أخاف ذكراه لو أجيه بسراقه
هبت رياح الوداع اللي بلا يمه
واهتز غصن الغرام وطاحت أوراقه
غير الغلا ما بقى له شي في الذمه
الا الله يسامحه ويسامح فراقه
الا الله يسامحه ويسامح فراقه