كلمات اغنية اجمل نساء العرب - فيصل المداريه
جيّتك مرحبا يا اجمل نساء العرب
يمي صفوف احاسيسي وصلي بها
من ثلاثين عام اراقبك عن كثب
كني ادري واعرف اللي ورا غيبها
اتحايل عليها وابتعد واقترب
ودي وخايف ارميها ولا اصيبها
لين ما الله ومر واشا واراد وكتب
اخذ ايدينك من آهلك واسري بها
ليلةٍ جادت بوصلك عريبة نسب
بين الايام يامكثر خطاطيبها
ماوهبنيه ربي من قصايد وادب
جاتك ضيوف وانتي من معازيبها
ودي اكتب حروف اسمك بماء الذهب
من غلاها ومن طيبك ومن طيبها
ضحكتك يوم تبتسمين عند الغضب
جعلني قبل فوضاها وترتيبها
تشبه لدمعةٍ بين الهدب والهدب
حولت وامرها ماهوب في جيبها
وغلبتني وانا قلبي مع من غلب
قبل ماتحدث الاشيا يدري بها
كن ابوه الرسول وعمه ابو لهب
معه عينن يشوف ابها ويوحي بها
لو تزيدين مافيها شوية عتب
فقدت شوفها والا طلع شيبها
يا اجمل سنين عمري من رجب لا رجب
ومن على عرش قلبي تم تنصيبها
سامحيني على موتي بليا سبب
جت على شي يستاهل وانا احري بها